Bifröst_class 2001

Gleðilegt ár 3

Wed, 16 Jan 2008 12:34:53 GMT

He he sælar stelpur, vá ég held ég sé ekki búin að líta inná bloggið okkar síðan við fórum á Vox!

En já það var sko mikið um að vera á árinu 2007...

Fæðing sonar míns og fæðingarorlof í 9 mánuði sem er náttúrulega bara lágmark, tala nú ekki um þegar það eru einhver vandamál eins og voru í upphafi hjá okkur. En þau eru löngu að baki sem betur fer :)

6 vikna frí og ferðalag um Þýskaland og Austurríki í sumar.

Ný vinna - mikið er ég glöð að hafa skipt, ótrúlegur munur að vera að gera eitthvað sem er gaman og spennandi og ég tala nú ekki um meira krefjandi. Mig er aftur farið að hlakka til að mæta í vinnuna á morgnanna... Sigrún, þessi tilfinning sem þú talaðir um að hafa haft eftir jólafríið... hvaða afsökun þú gætir notað til að sleppa við að fara í vinnuna eftir jólin.... try having it EVERY DAY FOR WEEKS.... nei MONTHS ! Neibb það var sko kominn tími til að skipta um djobb á þessum bæ.

Varðandi nýja árið þá er lítið planað á þessum bæ nema jú að halda uppá 1 árs afmæli Jóannesar núna á laugardaginn... var að fara yfir hverjum ég væri búin að bjóða og uppgötvaði mér til hryllings að ég væri víst búin að bjóða yfir 20 manns... en jæja ég tapaði mér aðeins í þessu. Þetta er nú einusinni fyrsta afmælið ! Líka meira tilefni fyrst tengdó eru á landinu að halda almenninlega uppá þetta.

Jóhannes Aron byrjaði hjá dagmömmu í janúar og það er svo SVAKALEGA GAMAN að það hálfa væri nóg. Sko engin vandamál með það.... vandamálið er frekar það að barnið vill ekki koma heim með foreldrum sínum í lok dags... enda hundleiðinlegir!

Og jú... ég fer til USA með nokkrum vinkonum í mars að halda uppá þrítugsafmæli einnar í hópnum. Það verður bara gaman. Förum í 1 viku og ég skil mann og barn bara eftir hér á klakanum... sjitt þetta þýðir að ég verð að vera endanlega hætt brjóstagjöfinni fyrir þann tíma en það er nú líka bara tutl eftir... bara morgungjöf og núorðið ekki mikið að fá í þeim skammti.

Vonandi verður haldið uppá 15 ára fermingarafmæli árgangsins míns en já við bíðum öll eftir að einhver bjóði sig fram í skipulagningu (ég er sko búin að standa mína pligt...sá um 5 ára hittinginn)

Jæja ég hlakka til að heyra í ykkur á síðunni á þessu nýja ári og ég er sko til í annan hitting svipaðan þeim sem var á VOX

Gleðilegt ár

Mon, 07 Jan 2008 14:51:30 GMT

Sælar allar saman !

Gleðilegt ár - þá er enn eitt árið á enda, skrítið hversu hratt þau eru farin að líða........ ekki það að ég sé eitthvað farin að eldast, sei,sei NEI.

Af mér og mínum allt gott að frétta - Guðrún Selma ( sú yngsta ) varð stúdent þann 20. desember s.l. og í tilefni af því þá eyddum við mæðgur jólunum í Peabody í USA hjá bróður mínum og fjölskyldu. Elín Anna trúlofaði sig á árinu og eignaðist sitt fyrsta barn þann 24. september s.l. - 17 marka dreng sem hlotið hefur nafnið Matthías. Sigfús - er búin að ákveða að gifta sig á þessu ári, þann 9. ágúst n.k. í Hafnarfjarðarkirkju. Bylgja mín - býr enn í Borgarnesi með mann og þrjú börn.

Sjálf er ég enn búsett í Kópavogi, vinn enn hjá Fræðslusviði Kópavogsbæjar og er enn jafn ástfangin og ég hef verið undanfarin þrjú ár og alltaf af sama manninum. Við skötuhjúin erum á kafi í golfi og fórum í skemmtilega golfferð til Spánar í október á síðasta ári. Ferðin var tær snilld..... og búið að ákveða að þetta verður sko ekki síðasta golfferðin okkar.

Það væri nú gaman að fara að hittast í smá kaffi og slúður, ekki satt. ?!

Stelpur mínar - endilega setjið hér inn fréttir af ykkur og hvað hefur á daga ykkar drifið á síðasta ári. Fjóla mín - ástarþakkir fyrir jólakortið - sendi engin jólakort á þessu ári því miður. Eyddi eins og áður sagði jólunum í USA, fór út 18. desember og kom ekki heim fyrr en seinni partinn á gamlársdag. Lá reyndar í flensu lengstan tímann sem ég dvaldi þarna svo það var frekar lítið um verslunarferðir því miður......... þrátt fyrir útsölur á útsölur ofan. En svona er þetta nú bara.

Vonandi verður þetta ár okkur öllum gæfuríkt - sjáumst síðar hressar og kátar

Kveðja

Jósý

Gleðilegt ár

Thu, 03 Jan 2008 14:53:42 GMT

Hæ og hó stelpurnar mínar,

Er ekki bara viðeigandi að sú sem átti síðasta orðið á síðasta ári eiga það fyrsta á því nýja... 8).

Eru ekki allar örugglega ofétnar og úthvíldar eftir hátíðarnar? Mikið eru þau dásamleg þessi StóruBrandarjól með sínu mikla fríi. Ég sver það ég lá uppi í rúmi í morgun og hugsaði um allar mögulegar og ómögulegar leiðir til að þurfa ekki að fara í vinnuna. Veikindi? Slys? Dauðsfall í fjölskyldunni? En ákvað svo að þetta væri nú hámark aumingjaskaparins og dreif mig á lappir. Fór meira að segja í ræktina í hádeginu til að hressa mig enn frekar við. Alltaf gott..... aðallega þegar maður er búin!

Annars er það bara þetta venjulega að frétta, það er voðalega lítið. Fékk margar fallegar gjafir í jólagjöf og er sko heldur betur að fara að halda átinu áfram út janúar en dagskráin næstu 4 laugardagskvöld er sem hér segir

5. janúar - hátíðarkvöldverður KFÍ (sem stendur fyrir Karlafélag Íslands og samanstendur af æskuvinum Ella + mökum). Við Elli stöndum fyrir matnum að þessu sinni og þá er ekki verra að eiga aðgang að 'Hótel Mömmu' sem í þokkabót er lokað fyrir gestum svo við getum heldur betur breitt úr okkur.

12. janúar - matarboð fyrir mína gömlu Bifrastar(stráka)klíku, þ.e. Adda Teit (sem er komin í semi-sambúð no less), Ragga (nýbakaða pabba), Kobba (hoplessly single) og VIP (sem breytist lítið).

19. janúar - brúðkaup hjá Bjarka vini Ella

26. janúar - stelpudinner í London með hluta af saumaklúbbnum mínum

FEBRÚAR - rækt, rækt og aftur rækt 8|

Gaman væri að heyra frá ykkur dúllurnar mínar.

ta ta í bili - Sigrún

Wazz up?

Tue, 30 Oct 2007 10:23:11 GMT

Hæ gellur!

Jæja styttist í VOX en það er á sunnudaginn kl. 11:30. Við eigum pantað fyrir 14 manns þannig að það er gott ef við förum að huga að mætingu. Talandi um hana þá gerðist ég sek um það að hafa skipulagt fund í Helsinki í fyrsta VETRARFRÍINU hans Egils (ég kann ekki að eiga barn í grunnskóla, bara leikskóla). Þannig að til að bæta upp fyrir það var það ákveðið á fjölskyldufundi að við skyldum fara í bústað núna um helgina. Eftir 3 utanlandsferðir á jafnmörgum vikum var ég ekki í stöðu til að ráða dagsetningunni, auk þess sem það er starfsdagur hjá Agli á mánudag svo við getum tekið langa helgi á þetta.

ANYWAY! Það þýðir semsagt að ég mun ekki mæta (eftir allt saman) á VOX á sunnudaginn. ÞVÍ MIÐUR! Var búin að hlakka mikið til að hitta ykkur sem ekki komust til Fjólu. En þrátt fyrir það veit ég nú að þið munuð skemmta ykkur vel og maturinn er YUM!

Ef það eru aðrar sem heltast úr lestinni væri auðvitað mjög gott að fá að vita það svo ég geti látið VOX vita. Ég lofaði að láta vita um fækkun.

Skemmtið ykkur svo vel og við sjáumst vonandi sem fyrst.

ta ta
Sigrún

p.s. innilegar hamingjuóskir til Dóru og Hjalta sem eignuðust lítinn prins á sunnudagskvöldið. :)

Komst loksins inn...

Thu, 25 Oct 2007 12:52:24 GMT

Jæja...loksins komst ég inn á síðuna...man reyndar varla hvernig ég fór að því en það er annað mál...

Það var mjög gaman á Austurlandi hjá Fjólu og við þurfum að gera eitthvað svipað reglulega. Bifrastarskvísur voru áberandi á Egilsstöðum og okkar vegna geta konur þar nú farið í sónar eins og þær vilja. Jú, ég tek líka á mig heiðurinn því ég pumpaði verðið upp á einni mynd (rollumyndin eins og Sigrún kallaði hana). Þess utan vorum við svo fagur flokkur að slíkt hlýtur að vekja eftirtekt. Lögreglan held ég að sé líka heilluð af sumum okkar.

Sjáumst á VOX

Sigga Lára

Smá fréttir af mér...

Mon, 08 Oct 2007 11:54:46 GMT

Fyrsta veturinn okkar á Bifröst hélt ég tækifærisræðu um það að ég ætlaði að ganga á Bauluna, eftir það hef ég stöðugt verið spurð að því hvort ég sé búin að ganga á Bauluna. Loksins afrekaði ég það í sumar að komast upp á topp. Í vor gekk ég reyndar líka upp á efsta fjall á Íslandi, Hvannadalshnjúk.

Fyrir stuttu áttaði ég mig á því að ég væri að hefja 9. veturinn í að keyra upp á Bifröst og ákvað að nú væri nóg komið, þannig að ég sótti um 2 störf í Reykjavík og fékk þau bæði, þannig að ég er að fara að breyta til og prófa að vinna í Reykjavík. Ég er að fara að vinna hjá Þróunarsamvinnustofnun Íslands við bókhald, ég hlakka mikið til að prófa eitthvað nýtt.

Fyrir rúmum 3 árum hætti ég með kærasta til 10 ára og ég nýt þess enn að vera einhleyp. Ég er búin að vera mjög dugleg að sinna áhugamálunum, með ljósmyndadellu á háu stigi. Gærdeginum eyddi ég á rúntinum í Reykjavík á mótorhjólinu mínu, síðustu helgi fékk ég lánaðan rallýbíl og keyrði ásamt vinkonu minni í síðustu keppni ársins í Íslandsmeistaramótinu í Rallý, það var ógleymanleg lífsreynsla að mega keyra eins hratt og maður getur löglega.

Næstu helgi fer ég helgarferð til Amsterdam að heimsækja systur mína, þess vegna kemst ég ekki með ykkur austur, en góða skemmtun.

Vá hvað við erum latar

Thu, 27 Sep 2007 19:21:29 GMT

Bara ekkert að gerast á þessari síðu. Er bara ekkert að frétta. Ég veit þó að Helga og Gummi giftu sig þ. 8. september sl. Innilega til hamingju með það kæru hjón. Vona og treysti því að dagurinn hafi verið allt það sem ykkur dreymdi um.

Nú styttist líka heldur betur í austurferðina okkar - ví verður stuð á okkur!! Hlakka voðamikið til. Annars er það að frétta af mér að ég er búin að skipta um starf innan Glitnis og er núna orðinn Verkefnastjóri innan Greiningardeilda Glitnis, það er ekki bara hérna á Íslandi heldur á öllum Norðurlöndunum. Þetta leggst vel í mig en til stendur að reyna að samræma og samhæfa starfsemi greiningardeildanna þannig að úr verði meira ein deild í mörgum löndum en margar deildir í mörgum löndum.

Innilega til hamingju með nýja starfið Jenný, það er stór ákvörðun að skipta um starf en ég er viss um að þú átt eftir að blómstra þarna sem í öðru sem þú tekur þér fyrir hendur.

Sjáumst fljótt píur!!

Bæ Bæ Samskip

Wed, 05 Sep 2007 09:22:20 GMT

Jæja skvísur þá er það orðið opinbert að ég fer ekki til Samskipa þegar fæðingarolofinu lýkur. En ég verð að segja að mér fannst þetta mjög erfið ákvörðun enda búin að vera hjá Samskipum í heil 5 ár - ótrúlegt hvað tíminn líður hratt !

Ég er búin að ráða mig sem skrifstofustjóri hjá litlu fyrirtæki og hlakka ekkert smá til að spreyta mig á nýjum verkefnum. Ég byrja 1. okt en á smá eftir af fæðingarorlofinu og ég klára það í des en þá verð ég í 50% orlofi á móti vinnu. Satt best að segja er ég farin að hlakka til að fara út á vinnumarkaðinn aftur þó því fylgi smá kvíði út af litla kút.

Vonandi kemst ég í okt að hitta ykkur og get þá sagt ykkur meira :)

Knús til ykka allra , Jenny Lind

Jökuldalurinn

Wed, 15 Aug 2007 16:28:11 GMT

halló stúlkur mér líst ljómandi vel á þessa hugmynd hjá Fjólu...þá gefst mér tækifæri til að rifja upp m.a þegar ég týndist á heiðinni við smölun á jökuldal,,og jæja týndist nú ekki alveg...segi frá því síðar. einnig þegar ég kom þarna í fyrsta sinn og enn var sveitasími, allir vissu hver frænkan að sunnan var:S eða þegar mér fannst ég upplifa bókina "svaðilfarir við smölun" þegar ég gekk á undan fénu og tróð snjóinn, til að koma því til byggda.

en af mér er það annars að frétta að ég lét mála húsið mitt núna í júli, betra en nýtt, hundurinn alltaf jafn óþekkur, og ég snillingur

kveðja Bryndís

Hvernig endar þetta eiginlega?

Thu, 21 Jun 2007 22:13:45 GMT

Er virkilega kominn 21. júní? Mér finnst þetta nú frekar scary. Næstum 5 mánuðir siðan ég byrjaði í vinnunni og hálft ár síðan ég kláraði skólann.

Muniði þá tíð að það var heil eilífð á milli jóla og sérstaklega afmælisdaganna manns. Nú líður þetta alltof hratt og tímarnir breytast ógurlega og allt með þeim.

Var að rifja upp hitt & þetta, gagn og nauðsynjar sem hafa komið og farið í áranna (og jafnvel aldanna) rás og staðreyndir um íslenskt þjóðfélags- og efnahagslíf sem manni finnst hálffyndnar í dag en var víst raunveruleiki fyrir "örfáum" árum.

ávísanir: Ég man mjög skýrt eftir því að hafa fengið ávísun hjá pabba/mömmu fyrir hinum ýmsu nauðsynjum. Meira að segja man þá tíma þegar maður var ekki sjálfkrafa álitinn vafasamur skjalafalsari af því að greiða með svoleiðis fyrirbæri.

skífusímar: Blessuð börnin sem í dag stauta sig fram úr hinu sígilda "Við lesum" horfa forviða á mynd af þessu skrítna tæki við síklassísku setninguna "Ari símar í Völu". Ég man ennfremur eftir að hafa við fundist flottasta fólkið í sveitinni þegar pabbi kom heim með takkasíma í farteskinu úr ferð til Hollands árið 1984.

gjaldeyrishöft: Muniði eftir að hafa þurft að fara með flugseðilinn í bankann og láta stimpla hann til að mega kaupa gjaldeyri.

útibússtjórar: Ég man svo vel eftir mömmu & pabba ræða það að þurfa að heimsækja útibússtjórann til að biðja (ég segi betla) um lán. Lán sem að sjálfsögðu þurfti að réttlæta fyrir þessari allsráðandi fígúru sem hafði, svo ég vitni í Heilsubælið í Gervahverfi, "þessar saurugu hjónarúmsáætlanir algjörlega í hendi sér"

videotækin: Ég man þegar þau voru að komast í almenningseign og eftir að hafa fundist foreldrar mínir alveg ferlega hallærisleg að kaupa ekki slíkt tæki fyrr en uppúr 1988. Það verður stutt í að börnin okkar viti ekkert hvaða tæki þetta eru

kassettur & þar til gerð tæki til að spila þau: Man sérstaklega eftir að hafa öfundað systur mína ógurlega þegar hún 1986 eignaðist tvöfalt kassettutæki. Tækið var skelfilega ljótt, risastór svartur kassi og það var hægt að losa hátalarana af sitt hvoru megin og stilla þeim upp á vegg og í þeim tilgangi fylgdu rosalega langar snúrur tækinu til að tengja í tækið.

Maxi popp: og man sérlega eftir þegar það "breikþrú" átti sér stað að bióin hættu að selja þessa pródúkt og fóru að poppa sjálf.

Lítil kók í alvöru gleri: með lakkrísröri - var eitthvað betra? eða meira "trít"?

gaman væri ef þið vilduð bæta við listann :haha:

kveðja Sigrún - í nostalgíukasti

hvernig væri að....

Fri, 25 May 2007 16:26:03 GMT

Sælar stúlkur ég er hér með eina tillögu um síðuna,,þar sem við eru ca 20 hvernig væri þá að hver okkar skrifaði ca 1 sinni í viku eða 1 sinni á dag. þe hver myndi þá skrifa á 20 daga fresti og ef einhver hefur sérstaka tjáningaþörf,,þá má skrifa oftar. held að þetta myndi hressa síðuna við. þetta þarf nú kannski ekki að vera neitt merkilegt, en allavegana allir að skrifa. hægt væri að hafa þetta í stafrófsröð eða eitthvað. Agnes vefstjóri hvernig líst þér á? og ykkur hinum.

kveðja Bryndís snillingur

Fréttir úr Hafnarfirði

Wed, 16 May 2007 19:54:22 GMT

Jæja stelpur,

nú þegar ég er búin að jafna mig og komin yfir öll þessi brjóstagjafavandamál sem hafa hrjáð mig, haldið þið þá ekki að prinsinn minn taki upp á því að veikjast.

Sem betur fer ekkert alvarlegt en það þurfti samt að leggja hann inn á Barnaspítala Hringsins og við vorum þar í 2 nætur. Fórum fyrst þangað á laugardagskvöldið (í miðri Eurovision keppni) þar sem hann var kominn með háan hita. Þá var tekið smá blóð og reynt að bíða eftir þvagprufu en hann lét standa á því svo við fengum að fara aftur heim og prufan var tekin á sunnudagsmorguninn. Þeim þótti prufan "bakteríuleg" og því var komið fyrir þvaglegg og sótt meira og þá fékkst staðfest að hann var með bakteríusýkingu og að það þyrfti að leggja hann inn meðan sýni voru send í ræktun og hann fékk lyf í æð. Held að þetta hafi nú verið erfiðara fyrir foreldrana en hann þegar verið var að reyna að finna æð til að setja legginn í. Það gekk ekki að setja í handarbakið svo að það var settur æðarleggur í höfuðið og þetta tók 3 tilraunir áður en það tókst! Æðarnar eru svo fínar í þessum krílum að þetta er víst mikil kúnst. Svo var bundið um höfuðuð á honum og hann var eins og lítill strumpur allan tímann eins og sést á myndinni... gengur ekki alveg að setja myndina inn. Ég bæti henni inn seinna. Fæ kannski Gerðu til að aðstoða mig með það....

Bkv. Jenny Lind

Still alive

Thu, 03 May 2007 21:35:01 GMT

Hæ hæ og hó,

Gaman að sjá smá líf á síðunni - ekki að ég geti sagt mikið yfir skriftarleysi annarra. Allt gott að frétta af mér og mínum. Eldhúsið sem átti að taka viku í framkvæmd er semsagt rétt svo að skríða saman núna og ég hef séð það að ég er nú ekki alveg týpan sem hef þolinmæðina í húsbygginar, múrryk, drullu og viðbjóð. Samt þykist ég ætla að byggja við og breyta fullt meira! Endalaust bjartsýn kona sem ég er.

En það hefur ekki verið lognmollann í vinnunni beinlínis þessa vikuna. Bjarni barasta hættur og kominn nýr forstjóri. Óneitanlega skrýtið - Bjarni hefur í hugum margra einfaldlega VERIÐ Glitnir og hans persóna tengd bankanum órjúfanlegum böndum. Það verður spennandi að fylgjast með þróun mála næstu vikur og mánuði.

Annars ákváðum við skötuhjúin að skella okkur aðeins til "úglanda" - nánar tiltekið til Boston og New York. Förum eftir viku og ætlum að vera í 5 daga - ég spái því að VISA kortið gæti þurft áfallahjálp við heimkomuna - 8)

Ekkert gengur með árshátíðina - Jósý og Agnes! var þetta svona mikil bjartsýni. Ótrúlegt hvað tíminn líður alltaf hratt - það eru 4 mánuðir rúmlega síðan við sátum á París og síðan hefur lítið gerst hjá okkur. Ég ætla bara að bjóða heim þegar eldhúsið er klárt og Boston að baki - nánari tilkynning verður send póstleiðis og birt hérna á síðunni innan skamms

FYLGIST MEÐ!! :P

Hafið það nú sem allra best í sólinni - sem vonandi er komin til að vera með okkur -

bestu kveðjur
Sigrún

jamm þá er komið að fréttum úr uppsveitum B.fjarða

Thu, 03 May 2007 18:57:33 GMT

jæja stúlkur gott er nú að sjá hvað þið eruð ánægðar með lífið, það er ég líka, jamm og Helga þetta átti nú bara að vera smá húmor:D

hér í sveitasælunni er allt gott að frétta sauðburður gengur vel það sem af er og útlit fyrir góða grassprettu.

Er nú farin að bíða eftir folöldunum sem eru næsta skref í hrossaræktinni minni, ansi spennandi að sjá hvernig þau verða. Hundurinn mun óþægari en gullfiskur hefði verið, og ég er orðin forfallinn bridgespilari allavegana á netinu.

ég setti mér nú engin sérstök áramótaheit hef aðeins gert það einu sinni og stóð við það með glans en heitið var að hætta ekki að reykja það árið.

Agnes...hvað með þessa auglýsingu stöðugt frá samfylkingunni á bloggsíðunni!!!!!!! hefur þú glatað trúnni?

Ég dunda mér við það helst þessa dagana að smíða húsið mitt það smá mjakast næst er víst garðvinnann,,eða allavegana ákveða hvort ég á að hafa garð.

annars spái ég einmuna góðu sumri með sól og miklum hitum svo þið sem eruð búnar að panta sólarlandaferð ættuð nú bara að afpanta því það er ekki víst að svona sumar komi á hverju ári.8)

þetta voru fréttir úr uppsveitum borgarfjarðar Bryndís

Halló allar saman

Thu, 26 Apr 2007 07:04:45 GMT

Erum við alveg að lognast útaf???? Reynum nú að halda síðunni við og skrifa fréttir um okkur og fá fréttir af hinum.

Helga mín - takk fyrir skrifin þín. Vonandi allt gott að frétta af þér og þínum.

Gerða - myndin af Sif og Þóru er æðisleg.... vonandi gengur þér allt í haginn, bæði í einkalífi og vinnu.

Jenný - reikna fastlega með að hlutirnir séu farnir að ganga upp hjá þér og þú farin að hugsa um að eignast annað barn í framtíðinni. Enginn verður óbarinn biskup......

Fjóla - hvernig væri nú að láta vita ef þú ert á ferðinni í höfuðborginni ( síminn er 896-2148 ) svo við getum sest inn á kaffihús og "slúðrað" svolítið.

Hrefna Björk - hvar í veröldinni ert þú ??!!??? hef ekki séð þig síðan um jólin árið guð má vita hvað. Vertu í sambandi.

Sigga Lára - hvað er að frétta af þér og þínum ? Kannski býrðu enn í nágrenni við mig í Kópavoginum, kíki kannski við eitthvert kvöldið í kaffi ?! Hver veit...............

Agnes krútt - ætluðum við ekki að hittast.... Hringdu í mig sem allra,allra fyrst svo við getum farið að skipuleggja árshátíðina eða hvað við eigum að kalla þetta. Sjá símanúmer ofar á síðunni. Vonandi ertu búin að finna nýja íbúð - fyrst Sigrún seldi ofan af ykkur.........

Sigrún - alltaf nóg að gera hjá þér... vonandi gengur nýja vinnan vel hjá þér ( hvernig læt ég - auðvitað gerir hún það ). Vonast til þess að þú verðir líka í sambandi vegna árshátíðarinnar...

Dóra - fjármálasnillingur - láttu líka vita næst eþgar þú kemur í bæinn. Þá getum við kannski gefið okkur smá tíma milli stríða til að fá okkur svona eins og einn kaffibolla saman. Gangi þér vel.

Bryndís - þú ert alltaf jafn óborganleg.

Þið hinar - hvað eruð þið að bardúsa þessa dagana ???

Ég sakna ykkar dúllurnar mínar, annars er allt gott að frétta af mér. Alltaf jafn mikið að gera í vinnunni.. mæti snemma og hætti seint. Nú er sumarið að koma og vonandi verður góður tími til að spila golf og "chilla" svolítið...

Er alltaf að reyna að setja mér markmið og núna um síðustu áramót þá voru áramótaheitin mín eftirfarandi ( ekkert endilega í þessari röð ) :

Vakna snemma
elska það sem ég geri
breyta reiði í lausnir
segja sjálfri mér að ég sé best
elska sjálfa mig og ástina

Hef frá ársbyrjun reynt að fara eftir þessu og gengið bara vonum framar. Það er helst þetta með að breyta reiði í lausnir sem vefst fyrir mér en þetta er allt að koma.

Og það er að bætast við fjölskylduna mína þar sem ég á von á fjórða barnabarninu núna í haust. Já, sumir eru sko ríkari en aðrir. Þannig er að hún Elín Anna mín á von á sér um miðjan september. Bara gaman. Henni heilsast vel og eru þau skötuhjúin ( hún og Sóli ) ánægð með stöðuna. Sigfús og Tinna Marína eru að festa sér íbúð í Hafnarfirði, Guðrún Selma ætlar að vinna á Akranesi í sumar, Bylgja býr í Borgarnesi með eiginmanni og þremur börnum og ég vinn og bý í Kópavogi. Er enn formaður í Starfsmannafélagi Kópavogs og alltaf jafn ástfangin...

Látið heyra í ykkur hvort sem er hér á síðunni nú eða í síma. Hlakka til að fylgjast með næstu færslum hér inni. Hafið það gott og ekki hvað síst GLEÐILEGT SUMAR allar saman. Njótið lífins og þess sem það býður upp á, það er nefnilega svo stutt að við verðum eiginlega að passa að fresta engu til morguns sem við getum gert í dag, því enginn veit hvar við verðum á morgun.

Eigið frábæran dag......

Kveðja

Jósý